Har Be-Zabaa.n Ko Shola-e-Nawaa Keh Lia Karo

1:12 AM

Har Be-Zabaa.n Ko Shola-e-Nawaa Keh Lia Karo

Yaaro Sakoot Hee Ko Sadaa Keh Lia Karo

Khud Ko Faraib Do Ke Na Ho Talkh-e-Zindagi

Har Sangdil Ko Jaan-e-Wafaa Keh Lia Karo

Gar Chaahtay Ho Khush Rahain Kuch Bandagaan-e-Khaas

Jitnay Sanam Hain Un Ko Khuda Keh Lia Karo

Insaan Ka Agar Qad-o-Qaamat Na Barh Sakay

Tum Osko Nuqs-e-Aab-o-Hawa Keh Lia Karo

Apnay Lye Ab Ek Hee Raah-e-Nijaat Hai

Har Zulm Ko Razaa-e-Khuda Keh Lia Karo

Le De Ke Ab Yehi Hai Nishaan-e-Ziyaa �Qateel�

Jab Dil Jalay Tou Os Ko Dia Keh Lia Karo

Pages